ལྷ་ས་གྲོང་ཁྱེར་ལས་གཞན་པའི་ཚན་པ།

ལྷོ་སྟག་ལུང་དགོན་པ།
རྒྱ་མ་མཆོད་རྟེན་དང་དགོན་པ།
ཆུ་ཤར་མཆོད་རྟེན།

ལྷོ་སྟག་ལུང་དགོན་པ་ནི་བོད་བཙན་པོའི་རྒྱལ་རབས་ (དུས་རབས་7 - 9)དང་འབྲེལ་བ་ཡོད་པའི་གནས་ འགངས་ཆེན་ཞིག་ཡིན་ཞིང་། ལྷོ་ཁ་ས་ཁུལ་གྱི་ཡར་ འབྲོག་གཡུ་མཚོའི་ལྷོ་གཏད་ཀྱི་གྲོང་ཚོ་ཞིག་ཏུ་ཡོད། གྲོང་ཚོ་འདི་ནི་འབྲུག་ཡུལ་ལ་འཐེན་པའི་གནའ་བོའི་ ཚོང་འགྲུལ་གྱི་འབབ་ཚིགས་ཤིག་རེད། གྲོང་ཚོའི་ དབུས་ཀྱི་རི་སྒང་གི་དགོན་པ་དེ་ནི་གྱང་རོ་དང་ མཁར་ཤུལ་(གནས་མཆོག Hughrichardson རི་ རྩེ་ནས་འདྲ་རིས་རྙིང་པ་ཞིག་མཐོང་ཐུབ་)ཙམ་དུ་ གྱུར་འདུག་ས་སྐྱ་པར་གཏོགས་པའི་དགོན་པ་ཞིག་གྲོང་ ཚོའི་འདིའི་དབུས་སུ་ཡོད་ཀྱང་། དུས་རབས་20བའི་ ལོ་རབས་དྲུག་ཅུ་པར་སྟེང་ཐོག་གི་ཁང་པ་གཏོར་ བཤིག་བྱས་། དགོན་པ་འདིའི་སྐུ་འདྲ་དང་གསུང་ རབ་མང་ཆེ་བ་བོར་བརླག་ཏུ་གྱུར་མོད། སྤུས་དག་ ཅིང་ལྟ་ན་སྡུག་པའི་ལྡེབས་རིས་དང་ཤིང་གི་མཆོད་ ཁྲི་ཞིག་ཆག་སྐྱོན་མ་བྱུང་བར་ལུས་འདུག ལྡེབས་ རིས་ངོས་སུ་ཆུ་ཐིགས་བཞུར་ནས་དེར་གཏོར་སྐྱོན་ འགྲོ་བཞིན་ཡོད།

ལྷོ་སྟག་ལུང་།

བོད་ཀྱི་རི་མོ་ཆེད་ལས་མཁས་པ་སློབ་དཔོན་ཆེན་མོ་ཏ་བེ་རྡུ་སྒྲལ་ཁུ་སུན་(David Jackson)ལགས་ཀྱིས། ལྡེབས་ རིས་འདི་དག་དུས་རབས་བཅོ་ལྔ་པའི་དུས་འགོའི་སྐད་གྲགས་ཆེ་བའི་རྒྱལ་རྩེ་དཔལ་འཁོར་མཆོད་རྟེན་དང་དུས་ མཉམ་རེད་ཅེས་གསུངས། བོད་ལྗོངས་རིག་གནས་འཕེལ་རྒྱས་ཀུན་མཐུན་ཐེབས་རྩ་ལྷན་ཚོགས་ཀྱིས་བཟོ་བཀོད་ལ་ ཚད་འཇལ་བྱས་ཤིང་འདྲ་དཔེ་བླངས་ནས་གོམ་གང་མདུན་སྤོས་ཀྱིས་དབྱེ་ཞིབ་བྱས།

1999ལོར། བོད་ལྗོངས་རིག་གནས་འཕེལ་རྒྱས་ཀུན་མཐུན་ཐེབས་རྩ་ལྷན་ཚོགས་ཀྱི་སྲུང་སྐྱོབ་བཟོ་ལས་པ་སྒྲ་ཧུན་ ཧ་རེ་སུན་(John Harrison) དང་། ཤིང་བཟོ་ཆོས་མཆོཀ་ལགས་ལས་སྣེ་པ་རྣམ་རྒྱལ་ལགས་བཅས་ཀྱིས་དབུས་ ཀྱི་སདུ་ཁང་ལ་སྲུང་སྐྱོབ་བྱེད་ཆེད་ཐོག་ཡག་པོ་ཞིག་ཇུས་འགོད་བྱས་ནས་ཕུབ་པ་རེད། (དེའི་ཁྲོད་མང་ཆེ་ཤས་དུས་ རབས་15པའི་ལྡེབས་རིས་བཤམས་ཡོད། )

དེ་ནི་བོད་ཀྱི་སྲོལ་རྒྱུན་གྱི་རྒྱ་ཕིབས་ཇུས་འགོད་གཞིར་བྱས་ཏེ། འདུ་ཁང་གི་ཀླད་སྔོན་ལྟར་མཐུན་ཅིང་མཉམ་པོ་མ་ ཡིན་པར། རྒྱ་ནག་གི་སྲོལ་རྒྱུན་གྱི་ཁང་ཀླད་བཞིན་བཟོས་ནས། འོག་གི་ལྡེབས་རིས་ལ་ཆར་ཆུའི་གནོད་པ་མི་འོང་ པར་བཟོས་ཡོད། དགོན་པའི་ཉེ་འཁོར་གྱི་ཆུ་འབུད་མ་ལག་ཚང་མ་འང་ལེགས་བསྒྱུར་བྱས་ཏེ། ལྡེབས་རིས་ལ་འོག་ གི་བརླན་གཤེར་གྱིས་གནོད་པ་མི་འོང་བར་བཟོས་ཡོད།

འཇར་མན་གྱི་བསྐྱར་གསོ་ཆེད་ལས་མཁས་པ་འབུམ་རམས་པ་ཡོ་ལེ་འེ་ཀུན་(Uli Eltgen)ལགས་ཀྱིས་དབུས་ཀྱི་ མཆོད་ཁང་ནང་གི་ལྡེབས་རིས་མར་བཀོག་པ་རྣམས་ཡང་བསྐྱར་བརྟན་པོར་སྦྱར་ཞིང་། ཤིང་བཟོ་བ་ཆོས་མཆོཀ་ ལགས་ཀྱིས་མཐའ་སྒྲོམ་བརྟན་པོ་བཟོས། ལས་ཚན་འདི་ནི་སྣ་དཀར་རྩེ་སྲིད་གཞུང་ཆོག་མཆན་ཐོབ་པའི་འོག་ལག་ བསྟར་བྱས་པ་ཡིན།

རྒྱ་མ་མཆོད་རྟེན་དང་དགོན་པ། 1998 - 2000ལོར།

རྒྱ་མ་ནི་ལྷ་སའི་ཤར་ཕྱོགས་ཀྱི་སྤྱི་ལེ་80ས་རུ་ཡོད་ཅིང་། དེ་ནི་ བཙན་པོ་སྲོང་བཙན་སྒམ་པོའི་འཁྲུངས་ཡུལ་རེད། དུས་རབས་
12པའི་ནང་དུ། འདི་གར་གླང་ཆེན་ཉལ་བའི་དབྱིབས་ཀྱི་མཆོད་ རྟེན་ཆེན་པོ་ཞིག་བཞེངས་ཤིང་། ཆོས་ཀྱི་སློབ་དཔོན་ཆེན་པོ་ སངས་རྒྱས་དབོན་སྟོན་གཞོན་ནུ་འབྱུང་གནས་ཀྱི་རིང་བསྲེལ་ གཟུངས་གཞུག་དུ་བཞག

ལོ་རབས་60པའི་ནང་། རྒྱ་མ་མཆོད་རྟེན་གྱི་བང་རིམ་དང་ ཉི་ཟླ་གཏོར་མོད། གཞི་ད་དུང་ལུས་ཡོད། གཤེགས་ཟིན་པའི་ཧོ་ ཀུར་རོས་ཁྲ་ཏུ་སུན་(Hugh Richardson)གྱིས་བསྐྱོན་པའི་ འདྲ་པར་ལྟར་ན། མཆོད་རྟེན་གཞན་གཉིས་ཀྱང་གནས་འདིར་ ཡོད་ཀྱང་ད་ལྟ་མཐོང་རྒྱུ་མེད། གཤེགས་ཟིན་པའི་ཧོར་ཁང་ བསོད་ནམ་སྤེན་པ་དང་ཁོང་གི་བུ་འཇམ་དཔལ་བསྟན་དར་ གཉིས་ནས་མ་དངུལ་བཏང་སྟེ་ལོ་རབས་80པའི་དུས་མཇུག་ ལ་ཐེངས་དང་པོར་བསྐྱར་གསོ་བྱས།

THFལ་མེ་དྲོ་ཀུན་དགའ་རྫོང་སྲིད་གཞུང་གི་ཆོག་མཆན་ཐོབ་ ནས་ཐིགས་ཆུ་འགོག་བྱེད་ལ་ཨར་ཀ་བཏིང་བ་དང་། པར་རྙིང་ ལྟར་མཆོད་རྟེན་གྱི་བང་རིམ་ལ་སོགས་བསྐྱར་བཟོ་བྱས་ཏེ་ཚན་ པ་མཇུག་རྫོགས། མཆོད་རྟེན་གྱི་ནང་གི་ཐེམ་སྐས་དང་བང་ རིམ་དུ་འཛེགས་བྱེད་ཀྱི་ཕྱིའི་ཐེམ་སྐས་གས་སྐྱོན་བྱུང་བ་དག་ ཀྱང་ཉམས་གསོ་བྱས།

རྒྱ་མ་སྡེ་བ།

ཆུ་ཤར་མཆོད་རྟེན། 1999ལོར།

ངག་རྒྱུན་ལྟར་ན། གུ་རུ་རིན་པོ་ཆེ་ཡིས་དེ་གར་མཆོད་རྟེན་ཆེན་པོ་ཞིག་བཞེངས་ཏེ། ཡ་གླིང་གི་སངས་རྒྱས་ཆོས་ ལུགས་དར་བའི་ས་ཁུལ་གྱི་རིག་དངོས་ཚང་མ་ནང་དུ་གསོག་འཇོག་བྱས་པར་གྲགས། བྲག་ཁུང་དུ་བཞུགས་པའི་ ཇོ་མོ་རྣམས་ཀྱིས་མཆོད་མཇལ་པ་མང་པོ་མཆོད་མཇལ་དུ་ཡོང་ཆེད། མེད་པར་གྱུར་ཚར་པའི་མཆོད་རྟེན་འདི་ བསྐྱར་བཞེངས་གནང་འདོད་ཆེ།

ཇོ་མོ་རྣམས་ཀྱིས་བསྡུ་ཉར་གནང་བའི་མ་དངུལ་ཧ་ཅང་ཉུང་བས་མཆོད་རྟེན་གྱི་རྨང་གཞི་ཙམ་ལས་བཞེངས་དཀའ་ བར་གྱུར། བོད་ལྗོངས་རིག་གནས་འཕེལ་རྒྱས་ཀུན་མཐུན་ཐེབས་རྩ་ལྷན་ཚོགས་ཀྱིས་ཇོ་མོ་རྣམས་ཀྱི་རེ་འདུན་ལ་ རྒྱབ་སྐྱོར་གནང་ཞིང་། མ་དངུལ་བཏང་སྟེ་མཆོད་རྟེན་བསྐྱར་བཞེངས་བྱ་རྒྱུར་ཐག་བཅད། བོད་ལྗོངས་རིག་གནས་ འཕེལ་རྒྱས་ཀུན་མཐུན་ཐེབས་རྩ་ལྷན་ཚོགས་ཀྱི་ལས་བཟོ་བ་རྣམསལྷོ་ཁ་ནས་ཡོང་པའི་བཟོ་པ་རྒན་པོ་ཞིག་གི་ སྣེ་ཁྲིད་འོག ཆུ་ཤུར་རྫོང་སྲིད་གཞུང་གི་ཆོག་མཆན་ཐོབ་པ་ལྟར། 1999ལོར་བསྐྱར་བཞེངས་ཀྱི་ལས་ཀ་ཡོངས་ སུ་འགྲུབ། འདིར་རྨ་སོད་འ་ཁེ་སུ་ཐིག་(Mathew Akester)ལགས་ཀྱིས་ལེ་ཚན་འདིར་གྲོས་འདོན་བྱས་པར་ ཐུགས་རྗེ་ཆེ་ཞུ་རྒྱུ་ཡིན།