འགོ་བརྗོད།
1997 ལོར་སྤྱི་ཚོགས་རྟོག་ཞིབ་བྱས་པ་ལྟར་ན། གྲོང་མི་མང་པོས་ ཆུ་དང་འཕྲོད་བསྟེན་སྐོར་ལེགས་བཅོས་བྱེད་རྒྱུ་རེ་བ་བཏོན་པར་ བརྟེན། THF ཡིས་ཆུ་འཐེན་རྒྱུ་དང་འཕྲོད་སྟེན་ཁང་འཛུགས་ རྒྱུ་དེ་མཁར་རྙིང་ཞིག་གསོ་ལས་ཚན་གྱི་གཙོ་ཤོས་སུ་བཞག ལྷག་ པར་དུ་འཐུང་ཆུ་ལ་དྲི་ངན་བྲོ་བས། གྲོང་མི་རྣམས་ཀྱི་ལུས་ཁམས་ ལ་གནོད་པ་བཟོས། ( THF ཡིས་རྟོག་ཞིབ་བྱས་པ་བརྒྱུད། འཐུང་ཆུ་དེ་ལུས་ལ་གནོད་པ་ཡོད་པ་ཁག་ཐག་བྱས། ) ལྷ་སའི་ འཐུང་ཆུ་དོ་དམ་ཁང་གིས་ཀྲུང་གོའི་ལུས་ཕུང་བདེ་ཐང་གི་ཚད་ གཞིར་གཞིར་བཟུང་ནས་རྨེའུ་དྲུག་ཅུ་འོག་ནས་ཆུ་ལེན་པ་དང་། ཆུ་དེ་ལ་དག་གཙང་བྱས་པ་བརྒྱུད་ད་གཟོད་འཐུང་ཆུར་སྤྱོད་པར་ བཟོས།
THFཡིས་སྦྲག་ཁང་རྙིང་པའི་གར་སྙིགས་དང་ས་ལྷག་
རྣམས་ཕྱི་ལ་སྐྱེལ་པ་དང་། སྤྱི་སྤྱོད་ཀྱི་རང་འབབ་ཆུ་
གཉིས་བཙུགས་ནས་ཆུ་འབུད་ཡུར་བུ་དང་སྦྲེལ་བ།
འདི་ཡིས་སྦྲག་ཁང་དང་ཉེ་འཁོར་གྱི་མི་230ལ་བཀོལ་
བདེ་པོ་བཟོས་ཡོད། གཞན་ཡང་གྲོང་མི་དང་THFཡི་
ལས་བྱེད་མི་སྣར་འཕྲོད་བསྟེན་སྐོར་གྱི་སློབ་གསོ་
བཏང་།
ལྷ་སར་འཐུང་ཆུ་ལས་བྱུང་པའི་ནད་དང་། ལྷག་
པར་དུ་མཆིན་ནད་འགོས་པའི་ནད་པ་ཤིན་ཏུ་
མང་། ཆུ་དང་འཕྲོད་བསྟེན་གྱི་ལས་ཀ་རྫོགས་
རྗེས། THFཡི་འཕྲོད་བསྟེན་སློབ་གསོའི་ལས་
བྱེད་མི་སྣ་གཉིས་ཀྱིས་གྲོང་མི་མང་པོར་འཕྲོད་
བསྟེན་སྐོར་གྱི་བསླབ་བྱ་བསྩལ། བསླབ་བྱའི་ནང་
དོན་ལ་ནད་ཀྱི་འབྱུང་རྐྱེན་དང་། འགོས་ཁོངས།
འགོག་ཐབས། འོས་མཚམས་ཀྱི་བདག་སྐྱོང་།
གསང་སྤྱོད་ཁང་དང་རང་འབབ་ཆུའི་གཙང་སྦྲ་
རྒྱུན་འཁྱོངས་བྱེད་རྒྱུ་སོགས་མང་པོ་འདུས། 1999ལོར་བླངས་པའི་པར་འདིའི་ནང་དུ་ལས་བྱེད་མི་སྣས་THFནས་
བཟོས་པའི་ཕྲ་རེགས་མཐོང་ཆས་སྤྱད་དེ་ནད་རིགས་ལ་རྟོག་དཔྱོད་བྱེད་བཞིན་པ། འཛིན་གྲྭ་འདི་ལ་ཞུགས་རྗེས་
གྲོང་མི་མང་པོས་འཕྲོད་བསྟེན་སྐོར་གྱི་ཤེས་བྱ་མང་པོ་ཤེས་རྟོགས་བྱུང་བར་དགའ་པོ་བྱེད་ཀྱིན་ཡོད། དེ་ལས་གཞན་